打風的一天

七點醒了，看看暴風消息，還未改掛8號，見到同事online，幸好她已回到家，但還有其他人未走，真可憐呢！

食了早餐，等到掛8號波，又再去訓覺，訓到下午，起身煮個麵食後，又再訓，此時已經9號波，一直都訓訓訓，唔訓又有咩好做先，唔想睇奧運，又唔想諗野，都係訓覺好，到左夜晚，姑婆打俾我，叫我去佢屋企食飯，有好多人係度，原來有V記伉儷、姑婆的好姊妹、契媽及契媽的親戚Angel(侄女？)，早前已聞說此女孩好頑皮，個個都怕了她，今次終於見到真人，其實都未至於佢地講到咁差啫(我屋企人話請願對住Andrea都唔要Angel，我反而覺得佢乖過Andrea)，她是個混血兒，爸爸是香港人，媽媽是韓國人，只懂英語及韓語(跟左契媽後識少少廣東話)，她父母離異，跟爸爸一起，但近來不知原因(我向來好少問人家事)要由我契媽照顧，可能此女孩比較西化，所以契媽覺得難揍，從契媽口水，她父母可能唔要佢，好有可能會送去保良局，聽後我覺得好難過，因為她是一個需要人關心、照顧的人，她應該有更好的生活，契媽成日話佢無禮貌，有無諗過點解先！無人理又無人教，想佢可以點，同佢相處一陣，有點喜歡她(天呀！我明明唔喜歡小朋友架！)，可惜我無經濟能力，否則一定領養她！

V記老公與Angel，好有父女feel~(V記老公好鍾意小朋友架)

食飽飽返到屋企無野做，占左一次塔羅，好奇怪的局面呀！