心有靈犀一點通

今朝上班搭車途中，突然好掛住佢，佢就係我屋企人，係我廿零歲時，佢就搬左附近住，所以唔會日日見，平均一星期只見到兩次，或者一星期都見唔到一次，想起今日她要去學插花，學完應該無飯食喎，一心等到下午先找她，點知俾她快一步，叫我放工買外賣到佢家食，真係心靈相通呀！咁就過左一個愉快晚上！

以前對住屋企人，甚少表達對佢地的關心及愛，但人越大，見得太多生離地別，令我覺得要爭取時間，唔好怕肉麻，要盡量愛佢地，所以佢打俾我時，我都好不客氣咁講“我掛住妳嘛！”，所以呢，有緣做到一家人，要珍惜呀！